Pakanci ka Jogja

Geus ti beh ditu ngacarakeun ulin lebaran taun ieu mah kulawarga besar teh rek ngayakeun pakanci ka jogjakarta. Biasna mah unggal lebaran ge tara kaliwat 'mudik' alias ulin teh ka pangandaran .Ti memeh dinu penginapan rumah nenek nu sederhana nepi ka hotel bintang nu mewah geus diasaan di pangandaran teh. Atuh seluk beluk pangandaran geus teu aneh deui. Pasir putih, hutan lindung, batu karas, grand canyon jeung sarupaning pangulinan di pangandaran geus kaubek. Nya taun ieu mah hayang nyobaan suasana baru ulin teh ka jogja. Pedah cenah ceuk nu pernah, jogja mah kota nu bersahabat. Oge loba tempat tempat tujuan ulin kayaning bororbudur, prambanan, kraton jsb. Atuh panitia teh nyusun  we program pakanci kulawarga besar k jogja. Ti memeh puasa geus jadi rencana jeung program teh. Ti biaya nepi ka hotel beus jsb geus paheut. Barudak nu arapal geus aratoh bari teu sabar hayang geura lebaran hayan geura k jogja. Pon kitu deui kolot kolotna . Ti sababaraha poe saacan hari h baju geus di pak kana koper. Malah baju baju nu rek dipake di yogya ge geus di program ti dieu keneh. Pokonamah nu dibayangkeun teh kabungah we jeung ka senang k jogja. Kabeneran taun 2011 ieu poe lebaran teh waktuna diundur sapoe. Atuh nu tadina rek berangkat h+2 lebaran jadi h+1. Bral we sakulawarga besar indit ka jogja kana beus khusus pariwisata. Tempat diuk geus diperenahkeun ku panitia. Atuh acara geus di susun rek kamana wae rek naraon wae di jogja teh. Dibayangkeun  mah perjalanan ka jogja teh maksimal 12 jam. Ti bandung berangkat jam 2 peuting dibayangkeun tepi k jogja jam 4 sore dina telatna ge. Teu kaitung waktu teh nyareng jeung nu mudik, atuh perjalanan teh molor tepi k jogja jam 10 peuting. Sajajalan ngantri komo kana beus mah minuhan jalan. Salama diperjalanan nu lila tea, saneskanten geus dilakonan keur ngabangbalerkeun kakesel. Geus peureum mah duka sabaraha liliran, geus maca, nyanyi, nepi k nyurakan kereta api nu ngaliwat bakating ku kesel. Komo barudak ngora mah nu dariuk di tukang. Can deui barudak leutik tiling tingcat turun unggah kana jok beus. Sarerea ge kesel, sarerea ge stress ari lila lila teuing mah ngan meureun cara ngaluapkeun kastress teh rupa rupa. Salama di joga alhamdulillah program panitia mah sanaos loba nu diliwatan tapi loba oge nu kacumponan, ngan nya kitu da waktuna dimanamana oge lebaran mah meujeuhna jelema hoyong hiburan sanggeus sabulan puasa. Nya dimana mana oge jalma teh tinglaliud we loba. Atuh pakansi teh teu pati sugema ari ningali jelema loba kitu mah. Asa inget we ka lembur'pangandaran' nu tadina asa bosen unggal taun ka ditu harita keur di jogja mah asa mending keneh k pangandaran. Komo pas deuk balik mah asa seunggah teh kana beus deui sakitu lilalana. Ari pek teh enya we malah mah nambahan jadi leuwih ti sapoe sapeuting dina beus teh baliknamah. Atuh penumpang saletress deui, barudak tiling tingcat deui, malahmah leuwih da leuwih lila dina beus na.  Ieu suku geus barukekeng barareu da lila teuing ngagantung dina jok. Eta sugan teh moal ngalaman dina beus tina caang terus poek peuting, caang deui beurang, nepi k bandung poek deui.....heuheuy mun inget kadinya sok hoyong seuri. Ngan etateh pangalaman nu meureun moal poho saumur hirup.Pastina ge bakal sering dijadikeun gogonjakan di tiap riungan kulawarga besar teh.Majarkeun teh duriatan pisan k jogja komo diperjalanan bulak balik 50 jam dina beus mah...........bari jeung sabalikna. Cenah eta perjalan nu salitu lilana dina beus teh dirapelkeun 2 taunaneun moal naek beus heula........hehehehe da tos wareg ku kamari pakanci ka jogja