Gogodeg

Nu janten gogodeg teh carita pangalaman mitoha. Mitoha awewe tah kaunggel berehan jeung karunyaan di tunjang ku banda nu loba deui. Anjeuna tara lebaran barang bere bade kanu matuh atawa nu saliwat. Hiji poe datang ibu ibu ngora keneh . Nya kira kira 30 taunan umurna teh. Ku sabab karunyaan nya ku mitoha dibere duit. Meureun asa gampang jeung ngeunah diber duit, ungal rebun jam 1/2 6 isuk eta ibu ngora teh datang menta diber sidqoh. saminggu dua minggu tilu minggu , sabulan dua bulan tilu bulan eta si ibu teu pernah tinggaleun unggal subuh 1/2 6 datang 'nagih'. Da jelema keuna ku owah jeung sir, mitoha teh lami lami kaganggu oge. Saleuheung lamun keur aya bedinde, lamun kabeneran keur marudik mitoha teh riweuh oge. Si ibu ngora teh da teu nyaho naon teu nyaho naon pokonamah tiap isuk datang duit kudu nyampak. Nu jadi gogodeg si ibu ngora teh jiga nu nagih hutang bahasanateh. Mun kabeneran sapoe manehna teu datang isukna sidqoh na teh menta dobel. Kitu oge hiji waktu manehna rek aya kaperluan saminggu moal datang sidqohna teh menta dirapelkeun.............heuheuy deudeuh................