Kedah kumaha mayunan nukieu

Puyeng oge yeuh mayunan nu siga kieu. Di bageuran jadi calutak, ari teun karunya. Sakawitnamah pedah ningal budak istri sok icalan bala bala kabumi, pikarunyaeun. Nya sok digaleuhan eta bala bala teh. Teras ditaros kulawargana, sakolana. Kaleresan sakolana sareng jeung pun anak nu alit. Bieunamah hoyong ngiring nyaah ka budak batur susuganan aya barokahna ka kulawargi pribadi. Disakolakeun, di bekelan unggal poe dipangmeulikeun baju, sapatu, kantong , jeng saneskanten kaperluan sakolana. Beuki lami budak teh jadi beuki wani , unggal poe nyieun alesan nginjeum duit. Keur meuli beas, keur meuli obat, keur ongkos k ninina. Malih hiji waktos jeung indungna datang teh majar hayang gawe . Nya dicobian sadamel damel. Eta budak teh boga adi awewe dua nu hiji karek lelengkah halu, nu hiji deui orok beureum. Atuh sabot indungna gawe bari mawa budak tilu jeung nu orok beureum. Atuh gawe teh teu beubeunangan jeung deui kuring sakulawargi ngarasa kaganggu ku reangna budak ceurik. Satadina mah geus tenang da barudak pribadi mah tos arageung.Tah ngawitan we rada ngahuleng. Akhirnamah dilirenkeun we indungna teh. Budak awewe teh angger we teu euleum euleum beuki wani malah bari ngabohong majarkeun teh nginjeum. Kadang sok mamawa adina nu leutik ngameh pikarunyaeun. Sakolana ge geus eureun Saurnamah indung bapana teh pipirakan. Bapana gaduh istri deui nya indungna ge alim eleh nikah deui k bujang anu pacabakana teh ngala belut k sawah. Hiji waktu di cobi budak awewe teh teu dibere nginjeum duit. Kahijina asa calutak budak teh kaduana urang bere pelajaran tatakrama budak teh. ku kuring ditolak we eta budak teh teu dibere nginjeum sakumaha pamentana. suganteh teu nanaon anapek teh belewer eta budak maledog kana kenteng ku batu jeung lain sakali. Panginten mah keuheul pedah kahayangna teu kacumponan. Salaki nu nyaksian pisan mah. Ti harita heup we salaki nyarek deui ulah barang bere ka budak awewe etateh. Tapi dasar budak, duka urat erana geus pegat, duka kajurung ku lapar, teu eureun datang k imah barang penta. Teu dibere duit menta beas, teu dibere menta sangu, atawa api api ngomong aya dulurna nu maot atawa gering ngameh urang jadi karunya. Tepi k danget ieu can uereun tah eta budak ngetrok kana panto bari mawa beungeut teu boga dosa barang penta alasan nginjeum. Mun keur pusing mah tara dibuka panto teh tapi sering namah dikeupeulan we sapeser meh budak teh gancang balik......................