leuwih Islam

Sawatara waktu k tukang kuring pernah ngadenge dongeng / caritaan ngeunaan prabu siliwangi raja padjajaran nu diajak asup islam tapi nolak alesana da manehna mah sanajan teu islam tapi geus leuwih Islam. Kuring teu ngarti kamana eta dongeng teh bras na. Naha prabu siliwangi bet ngarasa leuwih Islam tibatan orang islam . Ku kuring terus di pikiran dibaca nepika boga hiji pamikiran naha hal eta teh. Lain wungkul zaman prabu siliwangi nu kitu teh, dalah zaman ayeuna ge jalma2 nu deukeut jeung kuring aya anu make hal eta. Ku kuring sok ditalungtik malah sok rajeun diskusi jeung manehna. Rupina mah kieu. Ktp namah Islam tapi syreat/ ritual nu aya dina Islam kayaning sholat, puasa romadhon teu pati make. Tapi inti inti tina ritual syareat Islam tea ku manehna geus dipake pisan. Malah mah leuwih tinu sejena. Contona, inti sholat teh dina ruku pengkuh k papada jalamna, panjeg kayakinana, nurut kana aturana, luak lieuk, maca panjang pondok masalah jsb geus dipake ku manehna. Memang ceuk nu fanatik kanu syareat mah nu kitu teh teu jiga Islam. Ari ceuk kuring mah mah nu kitu teh Islam na geus di rarapkeun kana dirina. Da dina kahirupan sapopoena ge ditingali ku kuring teu loba carekeun oge tara curak carek ka batur. Iastuning loba nu bisa jadi conto urang sapopoe. Dina bahasa santun make, teu ngawilah wilah sahandapeun atawa saluhureun istuning rengkuh hormat, atuh dina prilaku pikahemaneun pikareuueseun. Ngan tara pati loba nyarita wungkul komo mun teu ditanya mah tara ubral obrol cara jalma umumna. Tapi kawilang elmuna jero. Ditanya naon oge apal, rek masalah agama rek darigama, rek masalah kahirupan atawa nu hirupna. Pernah ku kuring di heureuyan da didinya mah jiga nu biga mesin penjawab wae, naon wae aya jawabana. Dirina loba cicing mun dina riungan, lempe sapopoena teh tara loba nyarita. Atuh dina aliyah duniana nu katingalimah ngan ukur pangabutuh we sasesana teu pati ngiluan. Kuring jadi sok nanya kana diri, loba pisan nu ngaku  islam tapi maranehna nu ditingali syaretna we wungkul, teu sholat dilabrak, teu puasa dikucilkeun malah beda saeutik dina bacaan sholat tepi k dua kampung pasea nage. Jadi nu mana atuh anu bener bener Islam teh? Aya cita cita nja diri nu duka teuing bakal kahontal atawa moal, hayang ngagabungkeun duanana, dina syareat teu ditinggalkeun da memeng geus asa kawajiban, oge sendi sendi islam na ge dirarapkeun kana diri. Duka teuing atuh da danget ieu nu karasa mah sholat ge sering belang betong, komo lamun aya hal nu teu sarua jeng kahayang sok babari hyg ngalabrak nateh................!